18 қазан күні Арқалық политехникалық колледжінде Қостанай облысы техникалық және кәсіптік, орта білімнен кейінгі білім беру ұйымдарының директорлар кеңесі өтті. Директорлар кеңесінің мақсаты: жалпы адамзаттық және ұлттық құндылықтарды бойына сіңірген, озық білімді игерген саналы маман тәрбиелудегі колледжде атқарылатын жұмыстар бойынша тәжірибе алмасу болды.
Кеңеске «Қостанай облысы әкімдігінің Білім басқармасы» ММ басшысының орынбасары Бегатаров Ардақ Құрмашұлы қатысып, құттықтау сөз сөйледі.
Директорлар кеңесінің бағдарламасына сәйкес Қостанай облысы әкімдігінің білім басқармасының «Арқалық политехникалық колледжі» ұжымының жалпы адамзаттық және ұлттық құндылықтарды бойына сіңірген, озық білімді игерген саналы маман тәрбиелеу бойынша жұмысымен колледж директоры Карбозов А. К. таныстырды. Колледж директорының оқу- тәрбие жұмысы жөніндегі орынбасары Бисенгалиева А. Г. «Арқалық политехникалық колледжінде «Біртұтас тәрбие» бағдарламасын жүзеге асыру» баяндамасында «Біртұтас тәрбие» бағдарламасы колледжде жүйелі түрде іске асырылып жатқанына тоқталды. «Болашақ маманның қалыптасуына ұлттық құндылықтардың маңызы» тақырыбында колледждің 3 курс студенті Муратбек Ерназардың баяндамасы тыңдалды. Кеңес барысында қозғалған өзекті мәселе «Серпін. Жарқын болашақ» бағдарламасы болды.
Кеңес барысында 3 сабақ өткізілді. «Ұлттық құндылықтың негізі – салт-дәстүр» тақырыбында сыныптан тыс іс-шара, «Ұлттық ойын- ұлт қазынасы" атты спорттық сайыс, «Ұлттық тәрбие – ел болашағы» атты концерттік бағдарлама өтті.
