Арқалық политехникалық колледжінде «Мемлекеттік тіл ұлт тірегі» атты оқытушылар арасында дөңгелек үстел өтті. Іс шара мақсаты мемлекеттік тілдің қолдану аясын кеңейту, мемлекеттік тілдің мәртебесі мен маңызын кеңінен насихаттау, тілді құрметтеуге, тіл байлығын, маңызын түсіне білуге баулу.Дөңгелек үстелді қазақ тілі және әдебиеті пәні оқытушысы Жиенбаева Самал Асқарқызы өткізді. Дөңгелек үстелде қазақ тілінің төңірегінде өзекті деген тақырыптар бойынша оқытушылар өз пікірлерін ортаға салды. Дөңгелек үстелді Мемлекет басшысы Қасым-Жомарт Тоқаевтың қазақ тіліне қатысты “Тілдің тұғыры да, тағдыры да бесіктен, отбасынан басталады”. “Отбасында ана тілінде сөйлеп өскен бүлдіршіннің тілге деген ықыласы терең, құрметі биік болады” деген пікірімен аяқталды.
