Арқалық политехникалық колледжінде 02.03.2022 күні «Мейірімділік, жүректен» апталығының жабылуына орай, мерекелік іс-шара ұйымдастырылды. Алғыс күніне арналған мерекелік іс-шара тәрбиелік мәні бар «Өмір-шексіз керуен» атты педагог-психолог ұйымдастарған кездесумен басталды. Кездесуге Арқалық қалалық мешітінің бас имамы Нұрхан Асанұлы мен жастар ресурстық орталығының директоры Амангелді Серікұлы және де колледжіміздің демеушісі «Алюминстрой» ЖШС басшысы Муканов Абай Куспанович шақыртылды. Нұрхан Асанұлы мен Амангелді Серікұлы білім алушыларды адамгершілік құндылықтарының мәнін аша білуге үйрете отырып, олардың өмірге деген құштарлық сезімін ояту мақсатында әңгіме жүргізді. Тәрбиелік іс-шара әрі қарай «Мың алғыс» атты мерекелік кешпен жалғасты. Демеушілеріміз Муканов Абай Куспанович және Нұрхан Асанұлы колледж директорының алғыс хатымен марапатталды.Ұйымдастырылған іс-шара өте жоғары деңгейде өтті.
