«Әйелге қатысты зорлық-зомбылықсыз 16 күн» атты Республикалық ақпараттық-насихаттау акциясын жүзеге асыру мақсатында Арқалық политехникалық колледжінде 27 қараша 10 желтоқсан аралығында көптеген іс-шаралар өтуде.
27 қараша күні білім алушыларға зорлық-зомбылық туралы мағлұмат беру, адамның жаны мен тәніне үлкен зардап әкелетін соққы екенін түсіндіру және зорлыққа қарсы біздің елімізде заң бар екенін айту мақсатында жиын ұйымдастырылды.
28 қарашада білім алушыларға толеранттылық туралы мағлұмат бере отырып, өздері жүрген орталарында мейірімді болуға, бұзақылық істерге бармауға, адами бойларындағы қасиеттерін сақтауға, әдепті де, тәртіпті тұлға болып өсуін тәрбиелеу мақсатында топтық тәрбие сағаттары өтті.
