Арқалық политехникалық колледжінде жас маманның жеңісі - тәлімгердің жемісі «Үздік жас маман – 2024» колледж ішілік байқауы өтті.
Оқытушы - тәуелсіз мемлекетіміздің болашағын қалап жатқан маман. Өйткені, ел болашағының кілті - бүгінгі жас ұрпақтың қолында. Жас ұрпақтың тағдыры олардың бойына білім мен ізгілік нұрын себуші - ұстаздардың қолында.
Ұстаздықты жүрек қалауымен таңдап, жоғары оқу орындарын ойдағыдай аяқтап, ортамызға келіп еңбек жолын бастап жатқан жас мамандар I кезеңде Визитка. «Мен және менің педагогикалық қызметім, ұстанымым» байқауға қатысушы өзі туралы және өзінің қызмет атқаратын ұжымын қызықты етіп таныстырды. II кезеңде «Менің инновациялық сабағым». Сабақ панорамасында сабақ берудің әдістемесін ұсынып қорғап шықты. ІІІ кезеңде «Өнерлінің өрісі кең». Өнер өрге жүзгізер деп, жас мамандарымыздың өнерлерін тамашаладық. Байқау нәтижесі бойынша Асылбекова Ақмаржан Сапарқызы – өндірістік оқыту шебері, «Үздік жас маман – 2024» байқауының жеңімпазы атанды. Дюсюкова Асем Турмановна – өндірістік оқыту шебері 1 орын, Ералы Бақдаулет Ералыұлы – дене тәрбиесі оқытушысы 2 орын, Жұмақан Таңшолпан Нұрланқызы – өндірістік оқыту шебері, Ахатов Ерлан Сайлаубайұлы – арнайы пәндер оқытушысы 3 орын иеленді.